做完感覺十分之好👍🏻👍🏻自信心都返曬黎😍😍加上姐姐手勢好講野又溫柔得黎又好好傾😁😁而且超級通情達理 又唔會hard sell喎 仲會推薦附近嘅美食你知😋😋服務簡直就一流！！只能夠講我呢世人可以遇到你黎做一次facial實在係太幸運啦🥳🥳

本身係呢間鋪頭(Mr.Dapper / Mrdapper.co)買過一次衫，都覺得訂貨時間耐耐地，但都維持到佢講既7-14日就唔緊要啦，網購預左要等。 今次再買左一條褲同一個袋，係11月24號落單既，中間我完全無吹過，因為我成日網購完都唔記得左買左咩，於是12月10號突登醒起就去問下客服幾時到，佢先話條褲無曬貨，要等多一陣，但完全一句唔好意思都無架，淨係叫你再等囉。 跟住去到琴日（12月16號）我先又醒起，我又再去問，佢先話到貨啦，可以去拎。 於是今日嬲嬲地，同佢地講返你地官方又話7-14日，電郵又寫預計11月29號取貨，實際係12月16號。 IG 日日post出來話好多補貨，有幾百KG貨到，但係我雙十一優惠訂既野過埋雙十二都未到 之後重要覆你，電郵講既預計架炸，差咁多日不如你話下年先比我都得啦，預計炸嘛；唔滿意咪落來門市買囉。 我中間真係完全無吹過佢地，其實差左幾日先到貨既，你地真心係覺得唔好意思既，咁咪offer話免費送返比客人就已經解決左件事。你咪當我問R個免費送貨囉，$30就解決到，但係佢地完全唔會覺得自己有錯架，遲左咪遲左囉，完全0補償，最後重同你講：我唔想曬你時間呀，你唔滿意我地鋪頭去第2間買啦。

新居入伙，經香港家居(852HOME)買左張4人坐sofa 由於我地屋企係需要搬一層樓梯先可以到達，所以買sofa都千挑細選，前提係易搬，”不要電動調教”既sofa. 首先由我第一次入到舖頭，試左一張sofa，其實坐落幾舒服，真皮。 店員主動過黎推銷 :sofa真皮，電教，新設計，背後留3cm就可以做到躺平。 我有保留，返屋企計清楚位置再黎。 第二次，我地2人再去另一分店，本身分店冇實物，我地開圖比店員睇，店員亦聲稱sofa背由牆只需留3cm就可以躺平，而且可以改做手動調教，唔使用既火牛甘重裝入sofa。 我地再回家量清楚，第三次回到分店訂貨，落單時比足要搬運樓梯既闊度同相，再三確定係可以搬到，而且confirm可以改成手動調教既坐位。 送貨日期大約6星期。 因為年尾做優惠，我地趕住12月落單，所以送貨日子大約2月中。 2星期後收到香港家居電話，因為sofa本身的設計，不能改成手動調校…..我地都無奈接受了，因為已經比左訂 後來送貨日子亦一改再改，我地大約2,3星期先follow up一次。最後4月中先成功送貨。 可惜上來組裝既師傅唔能夠成功組裝sofa. 理由係搬運途中sofa變形🫠，所以又再約1星期後師傅上屋企換零件。 如是者，換零件及嘗試組裝左3次。 結果係，sofa背板嘅皮都穿埋，而組裝後，sofa同牆身背後需要預留14 cm先至可以躺平。 所以已經來到5月中，我哋落分店同經理傾，由訂貨到一半完成既貨品，講緊係五個月嘅時間，而且sofa亦唔係我哋預期嘅樣子，但經理聲稱店舖所有員工都知道呢張梳化係需要同牆身預留14 cm先可正常運作。(其實14 cm係足夠一個大人經過，喺香港嘅住屋環境，真係可以容納14 cm嘅距離嗎？） 而sofa背後嘅皮，佢哋另外配咗一張不同顏色既貼紙俾我哋貼住睇唔到就算。然而一個月後已經甩咗。 分店經理講，佢可以做到的就係講對唔住。 而貨品錢冇得退，樣式同任何嘢都不能夠再改。 成個事件上面根本就係前線員工對產品認知不足，而組裝師傅亦都冇小心處理。管理層知道後都冇任何善後嘅安排。顧客就要承受佢哋出錯嘅結果。 所以我地屋企就多咗一張背板穿窿，要2個男人先搬得起既有電動調教，但不能夠躺平嘅sofa。

平時自己幫自己整開 ‼️強調整唔好同唔識整係兩回事‼️ 諗住今次懶下出去整 不過真係唔知原來唔識gel甲可以開鋪頭 因為有少少趕時間問佢整個單色要整幾耐 佢答我一個鐘ok ❌一個鐘佢仲搽緊結構 ❌唔講係咁磨到我d肉 ❌仲要油當消毒未上色就噴落我隻手 ❌我揀隻貓眼佢照到少少貓眼都冇 仲同我講隻色係咁 當我冇gel開甲咁話貓眼係一條線果隻 我已經即刻答埋去呢隻叫玻璃珠貓眼 你唔識照就講我可以唔揀 之後仲同我講冇得轉嫁啦 一係你就轉實色 wtf??🔥 然後我求其搵隻色等佢拆左d色準備上色既時候同佢講我唔上色 再望一望佢個結構差到pk 甲面好似狗咬咁❌ 地址：荃灣荃昌中心采盈美容美甲

約左6pm做facial 6:30都未入得 其實真係唔需要整預約，去到都係要等 最搞笑呢就係，明明上一個人遲到又扣一個人鐘 口口聲聲呢就話遲到呢就去cut 鐘 點知呢就係我呢個準時到嘅人 俾人cut鐘 真係搞笑 入到房又Sell 出咗房又sell 仲問我有冇興趣加小小 都有嘅 要預約同我傾囉

冇收到貨 Gurllush ([email protected]) 呢間嘢係黑店！大家小心！ 明明要預訂，又話係現貨，然後問多兩句就block埋啲客，又屈啲客冇禮貌所以先block佢喎🤯 喂 大佬，問你幾時出貨咁都叫催你？同埋我睇唔出個對話裏面邊一句反映個客冇禮貌🙄 做生意做到你咁賤仲要咁冇品，po埋客人嘅樣出嚟話人哋又乜又盛，但係又唔夠膽po鋪埋啲對話出嚟🙄 仲要限制人哋留言，唔俾人@佢，擺到明身有屎。 同埋啲唔啱聽嘅留言佢會del晒！淨係會留返低對自己有利嘅，唔啱聽嘅咪block咗你囉🤗賤人一名🤗 大家網購真係要小心啲！

真心提醒各位，荃灣呢間「Kirei Hada 純の肌體驗店」(前 Clean Paradise 純淨養肌 ) 可以列入黑名單。 1. 預約玩失聯：官方WhatsApp會偶然出現長期失聯問題，預約訊息幾個禮拜都唔覆，想book位？純粹要靠運氣。 2. 環境狹窄雜亂：房間超細唔在講，重要擺滿雜物同儀器，轉身都難，環境極度壓抑。 3. 服務中斷是常態：做做下療程，職員可以無端端走開十幾二十分鐘，等你齋等，完全唔專業。 4. 客服＝法律部：你只要敢出聲投訴，佢哋唔會同你解決問題，而係直接出動「律師」兩個字嚟恐嚇你，話你誹謗同騷擾。 一間唔能夠虛心接受客人意見，只係識得用威脅解決問題嘅公司，大家自己判斷啦。幫襯前請務必上網搜尋下相關爭議，自己保障返自己。

超hard sell, 我訓咗係床都照入房sell你！療程海鮮價！

今日我第一次黎做頭療😳😳 好舒服😌好放鬆 做個半鐘療程 由按面到頭 好正🙌🏻 店主好細心又靚女😆😆😆 仲有兩隻超級可愛嘅貓貓 一定會再幫襯 Credit to Tszyan Kong

店主整角蛋白整得好靚，一絲不苟執到好細緻之餘，都 keep 到好耐。我每次整角蛋白之餘，都會順便請她線埋面同修眉，仲有清黑頭 facial，一次過整就慳返要上唔同舖頭的時間～ Credit to Gloria Tsang